Së shpejti në Kosovë, e kthen shishen, i merr paratë

16:25 | 20 Shkurt 2024
E.H

Ministri i Mjedisit, Planifikimit Hapësinor dhe Infrastrukturës, Liburn Aliu ka bërë të ditur se sistemi i rimbursimit të depozitave në Kosovë, po vjen.

Aliu ka thënë se sistemi i rimbursimit të depozitave, do të ulë ndjeshëm ndotjen nga shishet plastike, shishet e qelqit dhe kanaçet e aluminit, përcjell Arbresh.info.

“SuperLAJM – Sistemi i Rimbursimit të Depozitave në Kosovë po vjen. Tashmë kemi hapur zyrtarisht thirrjen për Administrator të Sistemit të Rimbursimit të Depozitave (SRD-së)”, ka shkruar Aliu në llogarinë e tij në Facebook.

“Sistemi i Rimbursimit të Depozitave, do të ulë ndjeshëm ndotjen nga shishet plastike, shishet e qelqit dhe kanaçet e aluminit. Ky Sistem njëherit është një mekanizëm ku konsumatorët paguajnë një depozitë për produkte si shishe plastike apo të tjera dhe pastaj e marrin këtë depozitë përsëri kur e kthejnë produktin e zbrazët”, ka shtuar Aliu./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm